Brendi kosovar 99 Lule ishte një nga pjesëmarrësit më të veçantë të edicionit të parë të Beauty Fair Kosova 2026, duke prezantuar produkte natyrale dhe organike që kanë fituar besimin e shumë konsumatorëve në Kosovë dhe më gjerë.
I njohur për përpunimin e bimëve mjekuese dhe aromatike, “99 Lule” ka nisur aktivitetin e saj si një iniciativë vendore e fokusuar në produkte të shëndetshme dhe 100% natyrale. Kompania bashkëpunon me fermerë lokalë dhe përdor bimë të mbledhura nga zona të certifikuara organike në Kosovë.
Gjatë panairit, “99 Lule” prezantoi linjat e saj të njohura të çajrave bimorë, vajrave natyralë, kremrave organikë dhe produkteve për kujdes personal, të cilat tërhoqën interesim të madh nga vizitorët. Një ndër produktet më të komentuara ishte edhe vaji organik për flokë me rozmarinë dhe mente, produkt që tashmë është bërë mjaft i njohur në tregun kosovar.
Pjesëmarrja e “99 Lule” në Beauty Fair Kosova 2026 dëshmoi edhe një herë rritjen e interesimit për kozmetikën natyrale dhe produktet organike “Made in Kosovo”, duke e bërë këtë brend një histori suksesi të sipërmarrjes vendore.
Edicioni i parë i panairit mblodhi mijëra vizitorë dhe dhjetëra kompani nga industria e bukurisë, wellness-it dhe estetikës, duke u shndërruar në një nga ngjarjet më të rëndësishme të këtij sektori në vend.