Pavarësisht sa kremra hidratues përdorni, ndonjëherë lëkura vazhdon të ndihet e thatë, e tendosur dhe pa shkëlqimin që dëshironi. Kjo ndodh sepse, në shumë raste, lëkura ka nevojë për hidratim më të thellë sesa ai që mund të ofrojnë produktet e përditshme.
Për fat të mirë, trajtimet moderne estetike ofrojnë zgjidhje efektive për të rikthyer freskinë, elasticitetin dhe hidratimin e humbur.
Hydrafacial – Një nga trajtimet më të kërkuara për lëkurën e thatë. Ai pastron thellësisht, largon qelizat e vdekura dhe furnizon lëkurën me përbërës hidratues, duke i dhënë menjëherë një pamje më të freskët dhe më të ndritshme.
Skin Boosters – Kur lëkura duket e lodhur dhe pa jetë, skin boosters mund të jenë zgjidhja ideale. Këto trajtime ndihmojnë në përmirësimin e hidratimit, elasticitetit dhe cilësisë së përgjithshme të lëkurës.
Mezoterapia – Njihet si nje rigjallërues i lëkurës, një trajtim i preferuar për ata që duan të rikthejnë vitalitetin e lëkurës. Vitaminat, mineralet dhe acidi hialuronik ndihmojnë që lëkura të duket më e ushqyer dhe më e shëndetshme.
Maskat Profesionale Hidratuese – Ndonjëherë edhe një trajtim i thjeshtë hidratues mund të bëjë mrekulli. Maskat profesionale ndihmojnë në qetësimin dhe ushqimin e lëkurës, veçanërisht pas ekspozimit në diell ose gjatë periudhave të dehidratimit
Mos Prisni Derisa Lëkura të Japë Shenja Alarmuese
Lëkura e thatë nuk është vetëm një çështje estetike. Kur nuk trajtohet siç duhet, ajo mund të bëhet më e ndjeshme, më e irrituar dhe më e prirur ndaj shenjave të plakjes së parakohshme. Kujdesi i duhur dhe trajtimet e përshtatshme mund ta ndihmojnë lëkurën të rikthejë hidratimin, butësinë dhe shkëlqimin natyral.